Kerkraadsbesluit om die verkoop en gebruik van nisse op die kerkterrein te reserveer vir huidige lidmate.
 
Die beskikbaarstelling van nisse op die kerkterrein was ’n daad van deernis in omstandighede waar tradisionele grafspasies in nabygeleë begraafplase uitgeput geraak het.  Die nisruimte op die kerkterrein is vanselfsprekend ook beperk en daar is nou slegs ’n klein hoeveelheid nog beskikbaar.  Die kerkraad het gevolglik ’n amptelike besluit geneem om die verkoop en gebruik van die oorblywende nisse te reserveer vir huidige lidmate.  In die geval waar ’n lidmaat reeds ’n nis gekoop het en dan na ’n ander gemeente verskuif, behou so ’n persoon regtens die gebruik van die nis. Neem kennis dat die bestaande niskontrak die gebruik beperk tot die koper en /of ’n genomineerde naasbestaande.  Die kontrak beperk ook die vrye verkoop van ’n nis en stipuleer dat die kerk (NGK Hartenbos) die eerste terugkoopopsie het.  Dit beteken ook dat ’n lidmaat nie ’n nis kan koop namens ’n ander persoon nie.  Dit spreek vanself dat daar belangstelling gaan wees wat nie deur die huidige aanbod bevredig kan word nie en derhalwe sal diesulkes navraag moet doen oor ander publieke nisfasiliteite, soos byvoorbeeld by die publieke begraafplaas in Heiderand.  Begrafnisondernemers is gewoonlik baie behulpsaam in hierdie verband.