October 23, 2020

Die Gemeentefees is op pad!

Die basaar vind op 24 Oktober by die kerkgebou plaas.

Meer inligting beskikbaar in die nuuste uitgawe van die Bos-Bulletin.

September 26, 2020

Liewe vriende, soos u reeds verneem het, beplan ons om DV op 27 September vir ons eredienste (met kuikenkerk) na die kerkgebou terug te keer. Ons doen dit alles in die geloof dat die Here ons sal seën en dat alles vlot sal verloop en ons binne die nuwe regulasie soos afgekondig, sal bly. Ons sal in die komende Sondae aanpassings maak soos die praktyk ons leer. Ons as leraars en gemeentebestuur sal alles in ons vermoë doen om almal se veiligheid eerste te stel. 

Kliek asseblief hier vir die praktiese reëlings.

September 12, 2020

Die Bos-Bulletin het begin in die latere stadiums van die Covid-19 pandemie, toe 'lockdown' die hele wêreld se lewens reeds omver gegooi het en dit nou dikwels lyk of daar net negatiwiteit en slegte nuus versprei word. Die NG Kerk Hartenbos het die Bos-Bulletin begin as 'n straal van hoop in 'n tyd van hopeloosheid. 'n Stukkie goeie nuus elke twee weke, gevul met vreugde en nuwe lewe om die gemeentelede in hierdie vreemde jaar, en ook in die toekoms, te inspireer. Die stories wat in die Bos-Bulletin verskyn, het altyd te doen met die kerk en sy mense. Dit fokus op lekker gebeurtenisse en onderwerpe, in 'n tyd wat ons geneig om soms van die prettige en lekker dinge in die lewe te vergeet. In die Bos-Bulletin kan jy elke  twee weke oor die opwindende en interessante dinge lees wat by die kerk en in die gemeenskap aan die gang is.

Kliek hier vir die nuutste uitgawes.